Idi Marso 16, 2026, nagtataripnong ti Executive Committee on Fiesta Management tapno pagsaritaan ti kasasaad ti 2026 Burnotan Festival (Town Fiesta).

Idi Marso 16, 2026, nagtataripnong ti Executive Committee on Fiesta Management tapno pagsaritaan ti kasasaad ti 2026 Burnotan Festival (Town Fiesta). Kalpasan ti nainget a panangamiris iti agdama a kasasaad ti ekonomia, napagnunumoan ti komite babaen ti Resolution No. 1-2026, a naituding a maitantan paylaeng iti panangselebrar ti Burnotan Festival gapu iti krisis.

Daytoy a desisyon ket panangsuporta iti Sangguniang Bayan Resolution No. 82, Series of 2026, a mangipatpatungpal kadagiti emergency measures para iti fuel conservation, price stabilization, ken economic support mainaig iti agdama a parikot ti suplay ti gasolina iti sangalubongan.

Babaen ti iyaanamung ti amin a kameng, nga indadauloan ti Executive Branch babaen ken Mayor Lany B. Carbonell, Legislative Branch babaen ken Vice Mayor Ramolito Guinomma, dagiti punong barangay nga indadauloan ni Liga President Godfrey Ballasiw Milan, kasta met dagiti mangibagi iti sektor ti edukasyon ken DILG, nagkaykaysa ti komite a mangyun-una iti pagimbagan ti kaaduan.

Nupay napateg a tradisyon ti Burnotan Festival a mangrambak iti kultura ken panagkaykaysatayo, ti seguridad ken pagimbagan dagiti umili ti kangrunaan a prioridad.

Opisial ken pinal: Maitantan paylaeng iti panangselebrar ti Burnotan Festival (San Gabriel Town Fiesta) inton April 18–21, 2026 gapu iti narigat a kasasaad ti ekonomia. Dawatenmi ti pannakaawat ken suporta ti tunggal maysa bayat ti panagtitinnulong tayo kadagiti karit ita a panawen ken panangipaununa kadagiti masapol ti ilitayo.

CLICK HERE:https://www.facebook.com/share/p/1Ac81FjWNr/