SA BAGONG PILIPINAS, BAWAT BAYAN MAKIKINABANG | BAGONG PILIPINAS RICE PROGRAM

Iti panangipatungpal ti administrasion ni President Ferdinand “Bongbong” Marcos Jr. kadagiti programang mangipaay iti direkta a tulong kadagiti umili, naidanon ti Food Assistance Project para kadagiti benepisiario iti ili ti San Gabriel. Daytoy a programa ket nangipaay iti suporta kadagiti residente babaen iti panagiwaras ti bagas kadagiti pamilia manipud kadagiti 15 a barangay ti munisipio.

Tunggal benepisiario ket nakaawat iti sangapulo ket lima (15) a kilo a bagas babaen iti Food Assistance Project a napundoan iti Local Government Support Fund (LGSF). Dagiti naited a bagas ket naigatang babaen iti panangsurot iti SAGIP-Saka Act, a maysa a programa a mangsuporta iti panagdur-as ti agrikultura ken mangipaay iti tulong kadagiti Pilipino.

Daytoy a panangipaay ti tulong ket paset ti tuloy-tuloy a panangsuporta ti nasyonal a gobyerno iti panagbiag dagiti tattao, nangruna iti panangibsan kadagiti epekto dagiti ekonomiko a karit a sangsangoen dagiti komunidad.

CLICK HERE: https://www.facebook.com/share/p/1BF3FRumNR/